Mumtaz Mirza
ye vafa mange hai tum se na jafa mange hai
meri masum jabin ek khuda mange hai
dil ka har zakhm mira dad-e-vafa mange hai
be-gunahi miri ab tum se saza mange hai
dil-e-kam-bakht ko dekho to ye kya mange hai
ek but sab se alag sab se juda mange hai
ik uchatti si nazar ek tabassum ki kiran
dil-e-kam-zarf vafaon ka sila mange hai
hosh jaate rahe ‘mumtaz’ ke shayad logo
asr-e-hazir men vo jiine ki dua mange hai
Leave a Reply