soz-e-parvana nur-e-din-e-sham.a
tar-e-zunnar dil-nashin-e-sham.a
qatra-e-ḳhun-e-zaḳhm-e-parvana
qashqa-e-taza-e-jabin-e-sham.a
tum bhi do ek bosa bahr-e-ḳhuda
ki hai gul-gir bosa-chin-e-sham.a
dana-e-ishq bo raha hai patang
soḳhta garche hai zamin-e-sham.a
meri arz-e-hayat ka hai tuul
nafas-e-tang vapsin-e-sham.a
aah parvane ka pareshan duud
ban gaya zulf-e-ambarin-e-sham.a
qadr-e-majnun na hogi mere ba.ad
ḳhaak jugnu ho ja-nashin-e-sham.a
roz-e-avval se hain baham marbut
dast-e-parvana astin-e-sham.a
haq men parvane ke hai tir-e-shahab
ai ‘vaqar’ ah-e-atishin-e-sham.a
Leave a Reply