Ab Asiri Ki Ye Tadbir Hui Jati Hai

ab asiri ki ye tadbir hui jaati hai

ek khushbu miri zanjir hui jaati hai

ik hasin khvab ki ankhon se nikalta hi nahin

ek vahshat hai ki taabir hui jaati hai

us ki poshak nigahon ka ajab hai ye fusun

khush-bayani miri tasvir hui jaati hai

ab vo didar mayassar hai na qurbat na sukhan

ik judai hai jo taqdir hui jaati hai

un ko ashar na samjhen kahin duniya vaale

ye to hasrat hai jo tahrir hui jaati hai

Leave a Comment