Poet
zindagi chamke miri mehr-e-daraḳhshan ki tarah
tum agar saath do mera shab-e-hijran ki tarah
phir main ḳhud aap se ta.abir-e-mohabbat puchhun
aap aa jaa.en kisi ḳhvab-e-pareshan ki tarah
laakh qurbaniyan ik zaat ki ḳhatir se huiin
koi patthar bhi na puuja gaya insan ki tarah
aur kya pesh karun hasil-e-zabt-e-gham-e-ishq
chashm-e-giryan ki tarah chehra-e-ḳhandan ki tarah
haath aa jaa.e agar gosha-e-daman-e-karam
vus.aten duun main use alam-e-imkan ki tarah
aur kya la.un main takmil-e-baharan ka subut
apne daman ki tarah apne gareban ki tarah
andhiyan aati hain gul karne ko ‘ehsas’ bahut
jhilmilata huun charagh-e-tah-e-daman ki tarah
Leave a Reply