poet

Hain Wasl Mein Shokhi Se Paband-E-Haya Aankhen

hain vasl men shokhi se paband-e-haya ankhen

allah-re zalim ki mazlum-numa ankhen

aafat men fansaengi divana banaengi

vo ghaliya-sa zulfen vo hosh-ruba ankhen

kya janiye kya karta kya dekhta kya kahta

zahid ko bhi meri si deta jo khuda ankhen

rahm un ko na aaya tha to sharm hi aa jaati

be-dad ke shikve par jhuktin to zara ankhen

tum jaan ko kho baitho ya ankhon ko ro baitho

‘bekhud’ na milaenge vo tum se zara ankhen

More Poems

Leave a Comment