farq jab tak andheron ujalon men tha
tum javabon men the main savalon men tha
ik ghazal kya kahi main ne tere liye
tazkira us ka kitne risalon men tha
mere chehre pe raunaq thi lab pe hansi
in dinon jab zamana zavalon men tha
aarzu us ki mere hi dil men na thi
main bhi bachpan se us ke ḳhayalon men tha
machhliyan pyaas se muztarib thiin ‘asad’
ban ke kaali ghaTa abr balon men tha
Leave a Reply