ḳhushk ankhon men kuchh nami ke liye
dil pareshan hai ik ḳhushi ke liye
aap ruThen to dil ye taḌpega
saans TuuTe na naghmagi ke liye
is ko jaadu nahin to kya kahiye
dil machalta hai ajnabi ke liye
jis ne thama hai dil se haath mira
dil dhaḌakta hai bas usi ke liye
ham se qaa.em hai husn ki duniya
ishq hai husn-e-zindagi ke liye
phuul ik dar pe us ke chhoḌ aaya
main ne danista muḳhbiri ke liye
vaqt marham hai zaḳhm bhar dega
chahiye sabr zindagi ke liye
dushmani kab thi hasil-e-‘maqsud’
haath baḌhte hain dosti ke liye
Leave a Reply