Faisal Ajmi
main ghaar men tha aur hava ke baghair tha
ik roz aftab ziya ke baghair tha
sahil pe aa ke Duub ga.i naav apne aap
ik shaḳhs us men apni raza ke baghair tha
sab ro rahe the ḳhauf ki divar se lage
kohram tha ki saut-o-sada ke baghair tha
kyuun naqsh-e-pa tamam kisi da.ere men the
ye kaun tha jo dast-e-dua ke baghair tha
‘faisal’ jo shahr aap hi mismar ho gaya
kya ilm kab se hamd-o-sana ke baghair tha
Leave a Reply