Poet
pamal-e-ḳhiram-e-naz kiije
Thukra.iye sarfaraz kiije
dil tum ne liya zaban de kar
ashiq ka na faash raaz kiije
soz-e-tap hijr ka ye hai hukm
tan sham-e-sifat gudaz kiije
mahmud hua hai husn sahab
pahle mujh ko ayaaz kiije
ho koi qaza jo bada-ḳhvaro
bhaTTi pe ada namaz kiije
kahta hai ye naz-e-dil-ruba.i
ai ashiqo jaan niyaz kiije
na-saz zamane ka nahin gham
haan kaar zamana-saz kiije
ghairon se to hai ‘vaqar’ behtar
ab aap bhi imtiyaz kiije
Leave a Reply