Pamal-E-KHiram-E-Naz Kije

pāmāl-e-ḳhirām-e-nāz kiije

Thukrā.iye sarfarāz kiije

dil tum ne liyā zabān de kar

āshiq kā na faash raaz kiije

soz-e-tap hijr kā ye hai hukm

tan sham-e-sifat gudāz kiije

mahmūd huā hai husn sāhab

pahle mujh ko ayaaz kiije

ho koī qazā jo bāda-ḳhvāro

bhaTTī pe adā namāz kiije

kahtā hai ye nāz-e-dil-rubā.ī

ai āshiqo jaan niyāz kiije

nā-sāz zamāne kā nahīñ ġham

haañ kaar zamāna-sāz kiije

ġhairoñ se to hai ‘vaqār’ behtar

ab aap bhī imtiyāz kiije

Leave a Comment