aur khul ja ki ma.arif ki guzargahon men
pech ai zulf-e-siyah-fam abhi baaqi hain
ik subu aur ki lauh-e-dil-e-mai-noshan par
kuchh nuqush-e-sahar-o-sham abhi baaqi hain
Thahar ai bad-e-sahar us gul-e-nau-rasta ke naam
aur bhi shauq ke paigham abhi baaqi hain
ai harifan-e-subu gosh-bar-avaz raho
daman-e-vahi men ilham abhi baaqi hain
tuul khinch ai shab-e-mai-ḳhana ki sab kar-e-siyah
ba-hama lazzat-e-iqdam abhi baaqi hain
aur abhi raunda nahin ai kaf-e-pa-e-tahqiq
dil men sau tarah ke auham abhi baaqi hain
ai sahi qad tiri nisbat se sab unchi qadren
bavajud-e-ravish-e-am abhi baaqi hain
ham men kal ke na sahi ‘hafiz’-o-‘ḳhayyam’ ‘zafar’
aaj ke ‘hafiz’-o-‘ḳhayyam’ abhi baaqi hain
Leave a Reply