insha-allah-khan-insha

Lo Faqiron Ki Dua Har Tarah Aabaad Raho

lo faqiron ki dua har tarah abad raho

khud raho maujen karo taaze raho shaad raho

aire-ghaire vo jo hon shauq se chat kar lo unhen

par khuda valon ki karte hue imdad raho

qumri-e-bagh-e-bahisht ab jo ye be-fakhta hain

unhen bhi kah do ki tum sarv se azad raho

diid us ki hai karo jis ne banaya sab kuchh

na ki har lahza fida-e-gul-o-shamshad raho

daam men se jo chhute hain unhen ye hukm hua

ki bas ab gard-e-dar-e-khana-e-sayyad raho

ja ke auron se bado yad-faramosh vale

khud-faramoshon ko maula miri tum yaad raho

surat aave jo nazar khinch lo us ki tasvir

apne is vaqt ke tum mani-o-bahzad raho

chaman-e-amn-o-aman ke tumhen ho sair-nasib

sain allah sada bar-sar-e-irshad raho

aish-o-ishrat karo har vaqt tum ‘insha-allah’

husn chamkae phiro sab men pari-zad raho

More Poems

Leave a Comment