sho.ara men na ho kyuun sher hamara uncha
ki qad-e-yar ka mazmun hai bandha uncha
naaz ki nashv-o-numa hai ki hai joban ka ubhar
varna kya hai tire siine pe ye uncha uncha
dil musafir hai safar shab ka phir is par turra
kucha-e-zulf men hai har jagah nicha uncha
ai adab ḳhaar ki tazim hai nicha rahna
haan kahin ho na sar-e-abla-e-pa uncha
zulf hai past jo gesu se to ye kakul se
chau-gune martaba men is se hai turra uncha
chashm-e-bad-dur buland ashk hai sar se ik haath
ghair mumkin hai zamin se bahe dariya uncha
kyuun ‘vaqar’ apna gala pir-o-javan phaḌte hain
pir-e-kohna hai falak had se hai sunta uncha
Leave a Reply