ye kaun maane ki na-ashna-e-raz hai tu
magar yahi ki ḳhudavand-e-be-niyaz hai to
us astan pe jo sar hai to sarfaraz hai tu
niyaz-mandi-e-alam se be-niyaz hai tu
samajh men aa.e na aa.e ada-e-charagari
mujhe to hai ye bharosa ki charasaz hai tu
fana nahin hai ajal umr-e-javedani hai
vajud hai vo haqiqat ki jis ka raaz hai tu
qubul kar miri daad ai miri siyah-baḳhti
harif-e-zulmat-e-tanha.i-e-daraz hai to
navazishen tiri mub.ham sahi magar ai dost
ye e’tibar hai kya kam ki dil-navaz hai tu
baḌe marahil-e-dushvar se guzarna hai
niyaz jaada hai aur manzil-e-niyaz hai tu
ye manta hai zamana ki main huun nazish-e-sabr
ye raaz koi na samjha ki mera naaz hai tu
hai sar ḳhushi men tujhe pas-e-gham-kashan ‘mani’
ajiib rind-e-ḳhuda-tars-o-pak-baz hai tu
Leave a Reply