Qadir Siddiqi
be-kar bhi is daur men be-kar nahin hai
divana hai vo kaun jo hushyar nahin hai
is daur-e-taraqqi pe bahut naaz na kiije
is daur men sab kuchh hai magar pyaar nahin hai
har chiiz ki bohtat hai is daur men lekin
vo chiiz jise kahte hain kirdar nahin hai
is baat pe naraz hain na-ḳhush hain khinche hain
vo baat ki jis baat ka iz.har nahin hai
ye baat hai kuchh aur ki dil zaḳhmi hai us ka
surat se to ‘qadir’ tira bimar nahin hai
Leave a Reply