Sarzad Hui Thi Ek KHata Khel Khel Mein

sarzad huī thī ek ḳhatā khel khel meñ

phir maiñ asiir ho gayā paikar ke jail meñ

ab lauT kar badal ga.ī rut phuul khil ga.e

dīvār par laTaktī huī zard bel meñ

kitne samay firāq ke dohrā ga.e mujhe

kitnī ruteñ bikhar ga.iiñ do pal ke mel meñ

sho.aloñ kā raqs tujh ko nahīñ thā agar pasand

ye aag kyuuñ lagā.ī thī miTTī ke tel meñ

Leave a Comment