Poet
raat qatil ki gali ho jaise
chand iisa sa bani ho jaise
raat ik shab ki byahi ho dulhan
maang taron se bhari ho jaise
un hi zarron se hain lamhe mah-o-sal
umr ik ret-ghaḌi ho jaise
ek tinka bhi na chhoḌa ghar men
tez andhi si chali ho jaise
yuun umanDta hai tira gham ab tak
koi savan ki nadi ho jaise
jis ne patthar ka kiya hai mujh ko
alf-laila ki pari ho jaise
jaane kaise hain rafiqon ke makan
koi dushman ki gali ho jaise
us men gham ke na ḳhushi ke aansu
aankh patthar ki bani ho jaise
is tarah ḳhush huun ki ḳhvabon men vahi
phuul barsa ke ga.i ho jaise
main use bhuul gaya huun aise
vo mujhe bhuul ga.i ho jaise
aaj ke daur men ye mashq-e-suḳhan
muft ki dard-sari ho jaise
Leave a Reply