Yasmin Husaini Zaidi Nikhat
kisi sanche men Dhal nahin paati
zindagi kyon sambhal nahin paati
na-gahani ka ḳhauf aisa hai
koi ummid pal nahin paati
barsaha se mire firaq men hai
phir bhi mujh ko ajal nahin aati
duur aiThan ki to hai baat kuja
mujh se rassi bhi jal nahin paati
us ne achchha kiya kinara kiya
duur tak main bhi chal nahin paati
nik.hat-e-gul ki kya tavaqqo ho
jab kali koi khil nahin paati
Leave a Reply