khayal-e-subh ki raanaiyan kuchh aur kahti hain
andheri raat ki tanhaiyan kuchh aur kahti hain
kabhi jam-e-tarab ki samt dast-e-shauq badhta hai
to us kam-o-dahan ki talkhiyan kuchh aur kahti hain
miri nazron ki pahnai men hain ajza-e-do-alam
guman-o-vaham ki parchhaiyan kuchh aur kahti hain
faraghat chahti hai zindagi do-char lamhe ki
magar rah-e-vafa ki sakhtiyan kuchh aur kahti hain
miri be-khvab ankhon men Kyayal-e-subh-e-farda hai
dil-e-bedar ki khamoshiyan kuchh aur kahti hain
Leave a Reply