main sach to kah duun par us ko kahin bura na lage
mire ḳhayal ki yarab use hava na lage
ajiib tarz se ab ke nibhaya ulfat ko
vafa jo ki hai to is tarah ki vafa na lage
darun-e-zat basa hai jahan yadon ka
vo duur rah ke bhi mujh ko kabhi juda na lage
kabhi to kahta tha har lamha tere saath huun main
ab aise bachhḌa ke us ka kahin pata na lage
tabib tum ko bhulane ka kar raha hai ilaaj
maraz hua hai purana koi dava na lage
tumhare vaste jab jab baḌhaya dast-e-talab
ajiib baat hai is dam dua dua na lage
uThe nazar se na us ki fusun-e-parda-e-husn
ḳhata bhi tujh se agar ho use ḳhata na lage
ye tera tarz-e-bayan mashriqon sa hai ‘asra’
vo din na aa.e ke tujh ko ḳhuda ḳhuda na lage
Leave a Reply