kuchh ta.alluq bhi nahin rasm-e-jahan se aage
us se rishta bhi raha vahm o guman se aage
le ke pahunchi hai kahan sim-badan ki ḳhvahish
kuchh ilaqa na raha sud-o-ziyan se aage
ḳhvab-zaron men vo chehra hai numu ki surat
aur ik fasl ugi rishta-e-jan se aage
kab talak apni hi sanson ka chukata rahun qarz
ai miri aankh koi ḳhvab dhuan se aage
shaḳh-e-ehsas pe khilte rahe zaḳhmon ke gulab
kis ne mahsus kiya shorish-e-jan se aage
jab bhi bol uTThenge tanha.i men likkhe hue harf
phailte ja.enge naqus o azaan se aage
jis ki kirnon se ujala hai lahu men ‘ajmal’
jal raha hai vo diya kahkashan se aage
Leave a Reply