gardish-e-mina-o-jam dekhiye kab tak rahe
ham pe taqaza haram dekhiye kab tak rahe
tera sitam ham pe aam dekhiye kab tak rahe
talkhi-e-dauran pe naam dekhiye kab tak rahe
chha gaiin tarikiyan kho gaya husn-e-nazar
vaada-e-didar-e-am dekhiye kab tak rahe
ahl-e-khirad sust-rau ahl-e-junun tez-gam
shauq ka ye ehtimam dekhiye kab tak rahe
subh ke suraj ki zau dekhiye kab tak na aae
dahr pe ye rang-e-sham dekhiye kab tak rahe
Leave a Reply