pirzada-qasim

Charagh Hun Kab Se Jal Raha Hun Mujhe Duaon Mein Yaad Rakhiye

charagh huun kab se jal raha huun mujhe duaon men yaad rakhiye

jo bujh gaya to sahar-numa huun mujhe duaon men yaad rakhiye

vo baat jo aap kah na paae miri ghazal men bayan hui hai

main aap ka harf-e-muddaa huun mujhe duaon men yaad rakhiye

ghubar huun aap chahe ghaza banaen ya zer-e-pa bichha len

main kab se raqsan huun thak chuka huun mujhe duaon men yaad rakhiye

bahut hi shaistagi se har lamha Dubti ik sada ki surat

main khalvat-e-jan men bujh raha huun mujhe duaon men yaad rakhiye

bala se ye rah-e-shauq meri na ho saki par tumhari khatir

misal-e-naqsh-e-qadam bichha huun mujhe duaon men yaad rakhiye

More Poems

Leave a Comment