Neena Sahar
usi ki raushni rahti hai is qadar mujh men
jo us ke laut ke aane ki hai khabar mujh men
chhua tha jin men kabhi mujh ko teri chahat ne
vo lamhe jagte rahte hain raat bhar mujh men
jo raste ke andheron se dar ke laut gaya
vo kaash dekhta zinda thi ik sahar mujh men
mujhe dara nahin sakti ye mushkilon ki dhuup
abhi ummid ka baaqi hai ik shajar mujh men
tire vajud ko chhu le to phir mukammal ho
bhatak rahi hai khushi kab se dar-ba-dar mujh men
Leave a Reply