khwaja-meer-dard

Dil Mera Phir Dukha Diya Kin Ne

dil mira phir dukha diya kin ne

so gaya tha jaga diya kin ne

main kahan aur khayal-e-bosa kahan

munh se munh yuun bhida diya kin ne

vo mire chahne ko kya jaane

ye sandesa suna diya kin ne

ham bhi kuchh dekhte samajhte the

sab yakayak chhupa diya kin ne

vo bulae se bhagta tha aur

‘dard’ tujh tak bula diya kin ne

More Poems

Leave a Comment