Meena Khan
TuuTe hain a.inon ki tarah baar baar ham
ḳhud par hue hain jab bhi kabhi ashkar ham
hote hain teri yaad men jab be-qarar ham
rote hain pahron baiTh ke be-iḳhtiyar ham
teri hansi ka qarz chukane ke vaste
chhup chhup ke rote rahte hain zar-o-qatar ham
dil bhar gaya hai karb-e-musalsal se ai ḳhuda
ab DhunDte hain har ghaḌi rah-e-farar ham
murjha ga.e hain shaḳh-e-tamanna ke gul sabhi
ab kya mana.en ‘mina’ ye jashn-e-bahar ham
Leave a Reply