alag alag tasiren in kii, ashkon ke jo dhare hain
ishq men Tapken to hain moti, nafrat men angare hain
tum se mil kar khil uThta thaa, tum se chhuT ke phika huun
ai rangrez mire chehre ke saare rang tumhare hain
garmi ki lu men tapne ke ba.ad hi paani ka hai maza
tujh ko jitna asan thaa, ham jaan ke tujh ko haare hain
ai purvai meri ḳhushbu us chaukhaT ke dam se hai
tu bhi guzar ke dekh jahan main ne kuchh lamhe guzare hain
munh se batao ya na batao tum ham ko dil ki baten
jan-e-man ye nain tumhare, ye jasus hamare hain
aisi baat milan men kab hogi jaisi is pal men hai
sab ke biich men main huun, vo hai or ḳhamosh ishare hain
tere munh par teri ham ne kabhi na ki tarif zara
likhne baiThe to kaghaz par rakh diye chand sitare hain
Leave a Reply