tilism-e-ism-e-mohabbat hai darpai-e-dar-e-dil
koi bata.e ab us ka kare to kya kare dil
fusun-e-jumbish-e-mizhgan na puchhiye sar-e-rah
pukarte hi rahe ham are are are dil
phir is ke ba.ad hamen ye bhi to nahin raha yaad
nazar giri hai kahan kho gaya kahan zar-e-dil
qadam qadam pe tira gham hai ḳhema-zan miri jaan
humak bhare bhi to aḳhir bata kahan bhare dil
ye kunj-e-lab ye ḳhumar-e-visal apni jagah
magar jo hijr musalsal bapa hai barsar-e-dil
ye tu jo mohr-ba-lab hai to kis liye ‘ḳhavar’
ye dekh kya hai tah-e-dil hai aur kya sar-e-dil
Leave a Reply