na to be-karani-e-dil rahi na to madd-o-jazr-e-talab raha
tire baad bahr-e-ḳhayal men na ḳharosh uTha na ghazab raha
mire samne se guzar gaya vo ghazal dasht-e-murad ka
main khaḌa raha yunhi be-sada mujhe pas-e-had-e-adab raha
use jan-guzaron se kya shaghaf use ḳhaksaron se kya sharaf
vo fazilaton ke dayar men ba-huzur pa-e-nasab raha
vahi bai.at-e-gham-e-hijr thi vahi kashf-e-hujra-e-vasl tha
main murid-e-halqa-e-ḳhvab tha so qarin-e-murshid-e-lab raha
tiri mamlikat ke nisab par koi tabsira bhi kare to kya
vahi raushni ka safir hai jo asir-e-zulmat-e-shab raha
Leave a Reply