Subh-Dam Ka Maza Nahin Lete

sub.h-dam kā mazā nahīñ lete

log taaza havā nahīñ lete

jhuuT kā aasrā nahīñ lete

dard vaale davā nahīñ lete

barsar-e-eqtidār huuñ kab se

log kyoñ fā.eda nahīñ lete

kaun jaane vo dil se detā ho

ham kisī kī duā nahīñ lete

be-jhijhak ab milā karo ham se

āj-kal ham davā nahīñ lete

jin ke raushan zamīr hote haiñ

duur se zā.iqa nahīñ lete

ishq hotā hai apne buute par

ishq meñ mashvara nahīñ lete

Leave a Comment