Om Prabhakar
ḳhushbu ka bhi vahi hai jo hai chalan hava ka
us ka badan hava ka hai pairahan hava ka
kal raat yad-e-janan ya chandni ke baa.is
behad chamak raha tha simab-tan hava ka
sadiyon gaya vo us ke pichhe had-e-jahan tak
lekin na DhunD paaya mulk-o-vatan hava ka
apne badan se haT kar mahsus kar sako to
tum ko dikha.i dega uryan badan hava ka
mere qarib aa.i ḳhushbu hava pahan kar
palTi to ban ga.i thi ḳhud pairahan hava ka
tufan ke ba.ad dekha gulshan ke har shajar ne
be-dam paḌi thi ḳhushbu oḌhe kafan hava ka
Leave a Reply