ye un ki ankhon men aksar dikha.i deta hai
ki ham ko aap se behtar dikha.i deta hai
ajiib hain miri ankhen usi ko DhunDhti hain
jo band ankhon se behtar dikha.i deta hai
jise nikal ke laa.e the raushni men ham
ab us ka saaya bhi ham par dikha.i deta hai
chhupega kyon koi apni bana.i duniya se
dikha.i deta hai aksar dikha.i deta hai
kabhi kabhi main ye ankhen amal men laata huun
ziyada-tar mujhe chhu kar dikha.i deta hai
Leave a Reply