qarib bhi to nahin ho ki aa ke so jaao
sitaron jaao kahin aur ja ke so jaao
thakan zaruri nahin raat bhi zaruri nahin
koi hasin bahana bana ke so jaao
kahaniyan thi vo raten kahaniyan the vo log
charagh gul karo aur bujh-bujha ke so jaao
tariq-e-kar badalne se kuchh naya hoga
jo duur hai use nazdik la ke so jaao
ḳhasare jitne hue hain vo jagne se hue
so har taraf se sada hai ke ja ke so jaao
ye kar-e-sher bhi ik kar-e-ḳhair jaisa hai
ke taaq taaq jalo lau baḌha ke so jaao
udaas rahne ki aadat bahut buri hai tumhen
latife yaad karo hans-hansa ke so jaao
Leave a Reply