Qasid To Liye Jata Hai Paigham Hamara

qasid to liye jaata hai paigham hamara

par Darte hue le jo vahan naam hamara

kya taab hai jo samne thahre koi us ke

aafat hai ghazab hai vo dil-aram hamara

aghaz ne to ishq ke ye haal dikhaya

ab dekhiye kya hovega anjam hamara

ai charkh isi tarah tu gardish men rahega

par tujh se na niklega kabhu kaam hamara

ai pir-e-mughan dekhiyo ‘asif’ ye kahe hai

khali na rahe mai se sada jaam hamara

Leave a Comment