Poet
na koi nilam na koi hiira na motiyon ki bahar dekhi
samundaron ki tahon men utra to pattharon ki qatar dekhi
main apne gulshan men mausamon ke azaab gin gin ke thak gaya huun
main kaise kah duun bahar aa.i main kaise kah duun bahar dekhi
main gham ka sahra ubuur karne ke ba.ad ḳhud se bichhaḌ gaya huun
ajiib rah-e-najat nikli ajiib rah-e-farar dekhi
hava ka daman lahu lahu tha faza ke andar ghuTan ghuTan thi
gulal miTTi men ret uḌti hui sar-e-rahguzar dekhi
Leave a Reply