Sab Ne dekha Mujhe Uthta Hua Mere Ghar Se

sab ne dekha mujhe uThta hua mere ghar se

pech-dar-pech vo ḳhamosh dhuan main hi tha

sach ka zahr gavara na kisi ko bhi hua

talḳhi-e-zaeqa-e-kam-o-zaban main hi tha

ḳhud hi pyasa tha bhala pyaas bujhata kis ki

sar pe suraj ko liye abr-e-ravan main hi tha

dar pe ik qufl pur asrar paḌa tha ‘ajmal’

bhed khulta bhi to kaise ki makan main hi tha

Leave a Comment