miri ruuh men jo utar saken vo mohabbaten mujhe chahiyen
jo sarab hon na azaab hon vo rifaqaten mujhe chahiyen
unhin saaton ki talash hai jo calendaron se utar gaiin
jo samay ke saath guzar gaiin vahi fursaten mujhe chahiyen
kahin mil saken to samet la mare roz o shab ki kahaniyan
jo ghubar-e-vaqt men chhup gaiin vo hikayaten mujhe chahiyen
jo miri shabon ke charagh the jo miri umiid ke baagh the
vahi log hain miri aarzu vahi suraten mujhe chahiyen
tiri qurbaten nahin chahiyen mari shairi ke mizaj ko
mujhe faslon se davam de tari furqaten mujhe chahiyen
mujhe aur kuchh nahin chahiye ye duaen hain mare saeban
kadi dhuup men kahin mil saken to yahi chhaten mujhe chahiyen
Leave a Reply