poet

Kaun-O-Makan Mein Yaro Aabaad Hain To Hum Hain

kaun-o-makan men yaaro abad hain to ham hain

is arz aur sama ki buniyad hain to ham hain

vahdat se ta-ba-kasrat sab se zuhur apna

gar ek hain to ham hain haftad hain to ham hain

sab marz-bum-e-alam hai jalva-gah apni

viran hain to ham hain abad hain to ham hain

aqlim-e-khair-o-shar men hai hukm apna jaari

gar daad hain to ham hain be-dad hain to ham hain

is gulshan-e-jahan men sab hai bahar apni

gar qumri hain to ham hain shamshad hain to ham hain

hain jauhar apne yaaro har rang men numayan

gar tegh hain to ham hain jallad hain to ham hain

hai dast-gah apni sab shai men kar-farma

gar fasd hain to ham hain fassad hain to ham hain

ye dargir-e-alam sab apni halaten hain

gar daam hain to ham hain sayyad hain to ham hain

ye raaz ham ne ‘asim’ ‘khadim’-safi’ se paaya

gar rushd hain to ham hain irshad hain to ham hain

More Poems

Leave a Comment