Banti bigaDti Taqdiron Se Rishta Hai

bantī bigaḌtī taqdīroñ se rishta hai

mere ḳhvāb kā ta.abīroñ se rishta hai

mere sar ko nisbat hai dīvāroñ se

aur pairoñ kā zanjīroñ se rishta hai

is raste par ghaas nahīñ aa.egī ab

is raste kā rahgīroñ se rishta hai

dil meñ aks hai jaane kitne chehroñ kā

is album kā tasvīroñ se rishta hai

hiir ke dil kā rishta hai bas rāñjhe se

par rāñjhe kā ka.ī hīroñ se rishta hai

Leave a Comment