Nasir Amrohvi
banti bigaḌti taqdiron se rishta hai
mere ḳhvab ka ta.abiron se rishta hai
mere sar ko nisbat hai divaron se
aur pairon ka zanjiron se rishta hai
is raste par ghaas nahin aa.egi ab
is raste ka rahgiron se rishta hai
dil men aks hai jaane kitne chehron ka
is album ka tasviron se rishta hai
hiir ke dil ka rishta hai bas ranjhe se
par ranjhe ka ka.i hiron se rishta hai
Leave a Reply