Ye To Socha Hi Nahin Usko Juda Karte Hue

ye to socha hi nahin us ko juda karte hue

chun liya hai gham bhi khushiyon ko riha karte hue

jin charaghon par bharosa tha unhon ne akhirash

sazishen kar liin havaon se dagha karte hue

aankh ke sanduqche men band hai ik sail-e-dard

Dar rahi huun qufl un palkon ke va karte hue

janti thi kab bhatakti hi rahegi dar-ba-dar

ham-safar apna sahabon ko ghata karte hue

dost ko pahchanti thiin ankhen na dushman koi

phod Daala hai unhen apni saza karte hue

Leave a Comment