Poet
uTh jaa.e darmiyan se jo parda hijab ka
paḌh luun kitab-e-husn se mazmun ḳhvab ka
apni nazar bhi Daal de saaqi sharab men
dekhe koi to us ko ho dhoka gulab ka
zahir pe kar naqab to batin pe kar nazar
matlub hai nazara jo us be-naqab ka
us par tamam khul ga.e arz-o-sama ke raaz
hamraz ho gaya jo tumhari janab ka
husn-o-jamal-e-ishq se tharra ga.i faza
jaise gaya ho chaunk vajud aftab ka
zau paa.e jis se ishq vo jalve bikher de
fitrat men rang bharna hai maqsad shabab ka
allah re tamtamate se chehre ki ab-o-tab
phika paḌe hai dekh ke rang aftab ka
aariz ke zer-o-bam pe nazar jam ke rah ga.i
meri nazar men ḳhaak tha sho.ala itaab ka
ḳhadim ke arz-e-hal pe karta hai sau saval
laḌna hai la-javab se ik la-javab ka
rindon men ek rind ‘kanval’ bhi hai dosto
ashiq hai aise daur men husn-e-sharab ka
Leave a Reply