Poet
ye aarzu hai ki vo nama-bar se le kaghaz
bala se phaad ke phir haath men na le kaghaz
vo kaun din hai ki ghairon ko khat nahin likhta
qalam ke ban ko lage aag aur jale kaghaz
tamam shahr men tashhir mere bad-khu ne
payam-bar ko kiya bandh kar gale kaghaz
baha duun aise kai daftar ashk ki rau men
kiye hain jama are ghafilo bhale kaghaz
payam-bar mujhe aisa koi nahin milta
ki hila-ju se mire le hi kar tale kaghaz
‘bayan’ ko zof hai itna ki bad-e-tund ke roz
jo khat likhe to use le ke ud chale kaghaz
Leave a Reply