Ye to Nahin Ki Un Se Mohabbat Nahin Mujhe

ye to nahīñ ki un se mohabbat nahīñ mujhe

pahlī sī vālihāna aqīdat nahīñ mujhe

ab maiñ huuñ aur apnī talab apnī aarzū

apne sivā kisī kī zarūrat nahīñ mujhe

jaise kisī ne daulat-e-kaunain baḳhsh dī

ġham vo milā ki shikva-e-qismat nahīñ mujhe

hai tark-e-ma.asiyat meñ bhī pahlū gunāh kā

kyā e’tibār-e-va.ada-e-rahmat nahīñ mujhe

jalva kuchh is adā se dikhā kar chale ga.e

shikva to kyā hai shukr kī fursat nahīñ mujhe

bezār huuñ to apne mazāq-e-vafā se huuñ

is ke sivā kisī se shikāyat nahīñ mujhe

Leave a Comment