Kaise Kaise Raaz Chhupane Lagti Hain

kaise kaise raaz chhupāne lagtī haiñ

āñkheñ kaise aañkh churāne lagtī haiñ

ḳhāmoshī se jab bhī ham do-chār hue

āvāzeñ āvāz lagāne lagtī haiñ

ishq kā dariyā aisā dariyā hai jis meñ

ummīdeñ din raat Thikāne lagtī haiñ

jañgal to jañgal the ab to shahroñ meñ

kyā kyā chīzeñ aañkh dikhāne lagtī haiñ

mujh ko bāhar jaate dekh ke zindāñ se

zanjīreñ tūfān uThāne lagtī haiñ

Leave a Comment