marhale aise bhi aksar aa.e
phuul barsa.e to patthar aa.e
ik faqat aap ke ho jaane se
kitne ilzam mere sar aa.e
jaam Thukra diye jab bhi main ne
samne mere samundar aa.e
ek chehre pe basharat na mili
an-ginat chehron ko paḌh kar aa.e
bhuul jaate hain parinde maan ko
jab bhi uḌne ko zara par aa.e
aap ka shahr ki tha shahr-e-adab
be-adab is men bhi kuchh dar aa.e
ishq men ‘taj’ kashish ho aisi
ḳhud hi mahbub taḌap kar aa.e
Leave a Reply