Hamidi Kashmiri
yak-ba-yak kyuun band darvaze hue
the vo ayat-e-mubin oḌhe hue
bahr-e-zulmat ka safar dar-pesh hai
hain hava men bal-o-par jalte hue
band kamron se nikalte hi nahin
ai hava kya tere mansube hue
aab o saaya ek dhoka hi sahi
is se pahle bhi ka.i dhoke hue
barq thi mausam shagufon ka na tha
shishe ki saḌkon pe divane hue
us ki ankhon men thi kaisi raushni
dekhne paa.e na the andhe hue
Leave a Reply