manzar-e-ḳhema-e-shab dekhne vaala hoga
vo charaghon ko bujha.ega ujala hoga
sharbati ankhon men kajal vo laga.ega abhi
raat ka rang abhi aur bhi kaala hoga
mujh ko Thahre hue sahil se nahin thi ummid
mujh ko bahte hue paani ne sambhala hoga
aaj phir us ne hatheli ko chhupaya maan se
aaj phir haath men ujrat nahin chhala hoga
zindagi palken bichha de ki baḌi mushkil se
maut ne tere liye vaqt nikala hoga
Leave a Reply