Poet
toḌne gul ko jo vo shoḳh-e-tarahdar jhuka
un ke qadmon pe sar-e-bulbul-e-gulzar jhuka
dekh li tere nashe men jo gulabi ankhen
aankh ko sharm se le nargis-e-bimar jhuka
us ki pa-posh ki chamki jo dam-e-sub.h kiran
chumne us ke qadam matla-e-anvar jhuka
daur-e-saqi men mire jhukne laga ek pe ek
jaam saghar pe hai saghar pe hai vo yaar jhuka
tum ne ‘tanvir’ likha aisa javab-e-‘sauda’
jins-e-mazmun pe har ik ban ke ḳharidar jhuka
Leave a Reply