Talluq Ki Nai Ek Rasm Ab Ijad Karna Hai

taalluq ki nai ik rasm ab ijad karna hai

na us ko bhulna hai aur na us ko yaad karna hai

zabanen kat gaiin to kya salamat ungliyan to hain

dar o divar pe likh do tumhen fariyad karna hai

sitara khush-gumani ka sajaya hai hatheli par

kisi surat hamen to apne dil ko shaad karna hai

bana kar ek ghar dil ki zamin par us ki yadon ka

kabhi abad karna hai kabhi barbad karna hai

taqaza vaqt ka ye hai na pichhe mud ke dekhen ham

so ham ko vaqt ke is faisle par saad karna hai

Leave a Comment