asrarul-haq-majaz

Ye Tirgi-E-Shab Hi Kuchh Subh-Taraaz Aati

ye tirgi-e-shab hi kuchh subh-taraz aati

khud vada-e-farda ki chhati bhi dhadak jaati

honton pe hansi paiham aate hue sharmati

ab raat nahin katti ab niind nahin aati

jo avval o akhir tha vo avval o akhir hai

main nala-ba-jan uthta vo naghma-ba-saz aati

soz-e-shab-e-hijran phir soz-e-shab-e-hijran hai

shabnam ba-mizha uthti ya zulf-e-daraz aati

ya-rab vo javani bhi kya mahshar-e-arman thi

angdai bhi jab leti ek aankh jhapak jaati

aghaz-e-siyah-masti anjam-e-siyah-masti

aine men surat bhi aane ki qasam khati

siine men ‘majaz’ ab tak vo jazba-e-kafir tha

taslis ki joinda vahdat ki qasam khati

More Poems

Leave a Comment