ahmad-khayal

Ye Talluq Teri Pahchan Bana Sakta Tha

ye taalluq tiri pahchan bana sakta tha

tu mire saath bahut naam kama sakta tha

ye bhi ejaaz mujhe ishq ne bakhsha tha kabhi

us ki avaz se main diip jala sakta tha

main ne bazar men ik baar ziya banti thi

mera kirdar mire haath kata sakta tha

kuchh masail mujhe ghar rok rahe hain varna

main bhi majnun ki tarah khaak uda sakta tha

ab to tinka mujhe shahtir se bhari hai ‘khayal’

main kisi vaqt bahut bojh utha sakta tha

More Poems

Leave a Comment